عدنا والعودُ أحمد ..

هاي حبيباتي كيفكم وحشتوني انقطعت عندكم رمضان كلله عارفين قد ايش رمضان مافيه وقت 

 كل عام وانتم بخير يارب وعسئ ربي يتقبل منا ومنكم صالح أعمالنا وينعاد علينا بالخير والسعادة والحُب . 

اليوم ان شاء الله بوست خفيف أغلبها مشتريات من عرض سنتر بوينت اذا تذكرون اللي ب رمضان اللي هو خذي ٢ و ٣ مجاناً

زوووم 

أول شي هذا الشي الجميل اللي راح يفك أزمتي اكثر شي ايام الجامعه اللي هو سبراي ينشف لك المناكير تكلمت عنه كم بلوقر منهم أمل الله يعطيها العافيه سعر الصغير ٢٥ والكبير ٣٥ 

نجي للارواج 

  أول واحد من ريميل لونه فاقع شوي بس حبيته جاي خربزي ع بينك 

سعره والله ما اذكر بس مو اكثر من خمسين 

من ريفلون رقمه ٣٠ حلو لونه مو عنابي لا غريب شوي جاي ع كرزي 

كمان الثالث من ريفلون حبيته لأنك تقدري تثقليه او تكثري منه يطلع غاممق او تخفيفين منه ويطلع نيود 

رقمه 535 

  نجي للي اححححبه من جوات ألبي ثاني مره اشتريه ترطيب ولون وكلش وما اكذب عليكم اخق ع نفسي حطيته واحب اكثر شي لما اسوي تان 👍

آخر ارواج هي روج / قلوس من ريميل أخذت اثنين بس حبيت البينك أكثر 

اخر روج من ريفلون نيود مطفي 

رقمه 

 من برجوا اخذت اكحال ألوان الواحد ب ٣٤ تقريباً 

اخضر فاتح / تركواز / نيلي 

الاسود جاف من نيكس 

مع أني من عشاق نيكس بس ما توفقت بالفرع اللي رحت له كان فاضي الاستاند مره ، فيه الليب لاينر بس 

وأخذت ذول واللي أعجبني انه رول بحدود ال ٣٠ واحد نيود والثاني ع بينك 

اخر شي المناكير اخذت من برجوا ب ٣٨  و ريفلون ب٣٠ 

سماوي حببببيته تغطيته كويسه ولونه حلووو مرره 

اخضر فاتح خففففيف مره ولا ينشف بسررعه ولازم كم طبقه عشان يطلع كويس ما أعجبني :( 

اصفر فيه قليتر شوي اممم حليو احلئ من الاخضر الفاتح

اخر شي اخضر غامق من ريفلون 

 

بغيت انسئ مسكرا من ريفلون الخضراء 

اخر شي اشتريته من أجمل توله ريحتها ررررايقه مره تحطينها ف اماكن النبض و ع شعرك اسمها مسك مكه ب ٤٠ التوله 

كنت احطها ف ايام رمضان فالمسجد جتني باكستانيه تصلي معنا قالت لي انو ريحتك مره حلوه من وين اشتريته

ف قلت أخبركم سعرها رخيص مقارنه ب عبد الصمد اللي غالبا أخذ منه 

بكذا خلصنا بوست اليوم يارب يكون أعجبكم وسوري مرررره ما كتبت اسعار كل شي لأني ماخذتهم مع بعض أيام العرض 

فوتكو بعافيه 

لاقوني بالانستقرام 

Ohoodawad 

نصائح غذائية لشهر رمضان ❤

هاي حبيباتي كيفكم ان شاء الله كويسيين 

قبل اسبوع تقريبا جالسه ع صباح الوطن ومستضيفين د/ عبدالله المطوع هو دكتور فالتغذيه الرياضيه ، جيت علئ الاخير ومره انقهرت جلست أدور لكم باليوتيوب عشان تشوفونه بس للأسف ما حصلته كان الموضوع عن العادات الصحيه برمضان 

وقلت يلا ي بت نزلي شي عن الاشياء الصحيه برمضان قال اشياء مرره حلوه :( بس احصل اللقاء بحطه لكم ب التويتر بإذن الله . 

من الاشياء اللي قالها : 

- يقول ان الجسم يقوم بإفراز مادة الإنسولين بكميات كبيره اذا تناولنا كميات كبيره من السكريات بعد صيامنا عن الأكل لفترات طويله ينتج عن ذلك الخمول والكسل والتسدح الحاصل بعد المغرب ههه :(  

يعني حركات إنا ناكل لقيمات وتمر وفيمتو وكل شي مره وحده أبدا مو شي صحي

ممكن مويا وكم تمره وكم لقيمه >> تصغير لقيمات وشوربه ، وبعد التراويح نكمل أكلنا . 

- تخيلوا ان السلطة علئ الفطور مو صحيه هههههه وانا اللي كنت أفطر برمضان ع سلطه قال ان السلطة تحتاج وقت طويل عشان تهضمها المعده لو اكلناها ع الفطور بتجي ١١ /١٢ وإحنا منغثين منها اذا نبي ناكل سلطه ف وقتها المناسب فالسحور مش عالفطور . 

-  ما يصلح ان إحنا نفاجئ المعده و نشرب أكواب كثيره من الماء علئ طول اكبر غلط ، نكتفي بكوب من الماء 

- قال بعد ان الموز اذا اكلناه فالسحور يبعد العطش فالنهار ههههههه جربتها العام ماصار شي . 

- المشي مهم فشهر رمضان بما إن أكلنا كثير لازم نحرق الدهون اللي اكلناها 

- من الاشياء اللي ذكرها ونغفل عنها شرب كوب من الماء كل ساعه الا ربع . 

- الكولا وما أدراك ما الكولا أنا مجررررمه بشرب الكولا او البيبسي تقريبا ٢-٣ علب باليوم والفترة تقريبا اللي ما اشرب فيها كولا كثير برمضان يقل اشربه بس بوقت السحور اللحين لي ٣ ايام تقريبا ما شربت و ي رب اتركه تخيلوا ان فيه دراسه بريطانيه تقول ان شرب علبه وحده فاليوم من المشروبات الغازيه احتمال أصابتك ب مرض السكري بنسبة ٢٢٪  وفرصة الاصابه بالمرض تكون اكبر للي عندهم تاريخ عائلي بالمرض :( 

ودراسه ثانيه بعد قالت ان شرب ٣-٤ علب فاليوم يخليك اكثر عرضه للاكتئاب 

- بعد قال ان اللحوم الحمراء الإكثار منها يزيد فرص الاصابه بأمراض القلب والشرايين بسبب كثرة الدهون المشبعه اللي فيه ، نبي ناكل لحم ؟ ناكل مرتين بالأسبوع بس 

معلومه : 

-اذا كنتي ما تحبين تشربين الماء ، جربي تقطعين ليمون ، توت ، تفاح ، فراوله ، خوخ في كوب ماء 

يساعد ع إضافة مضادات للأكسدة لتقوية المناعة / يسرّع من عملية الحرق / يحسن من امتصاص الحديد والكالسيوم اذا شربناه مع الوجبه . 

جربت ليمون قبل شهر يمكن ٣ ايام وسحبت هههههه :( خفت يجيني حرقان بالمعده بس برجع اشربه . 

- تناول الخبز الأسمر كل يوم يساعد ع الوقايه من أمراض القلب والشرايين ، ههههه كنت ماخذه فكره شينه عنه بس طلع لذيذ . 

  

 بكذا يكون خلص بوست اليوم الله يبلغنا رمضان وإحنا فأحسن حال ي رب وهذا حساب الدكتور عبدالله المطوع تابعوه للمهتمين بالعادات الصحيه كل الاشياء اللي ينزلها مفيدده مرره 

@draalmutawa 

ي رب يكون أعجبكم البوست اشوفكم الاسبوع الجاي لاقوني بالانستقرام @3hoodi91

تويتر :@ohoodawad

فوتكو بعافيه 

شفتوا اخر كوليكشن من الصنادل ؟

هاي حبيباتي كيفكم شخباركم ❤

مررره بيزي هالاسبوع بس ما طاوعني قلبي ما انزل شي ف قلت انزل حاجه ولو بسيطه 

اليوم جبت لكم اخر كوليكشنز من الساندلز "الشوز المفتوح"

اللي يحلي الرجل صايررره احبه مرره ونزلت قبل فتره زارا وأعجبني كذا واحد فيه بس ما عندي مناسبه قريبه وهو راح يعمل سيل قريب قلت ارجع له ان شاء الله 

كثير براندز نزلوا نفسه تقريبا وحبيته كثير 

خلونا نبدأ 

اول شي فرزاتشي شوفوا ايش نزلوا 

1/ versace

2/ Top shop 

3/ River island 

3/ ZARA 

كان ودي أجيب لكم اشياء اكثر من براندز معروفه بس اهم شي وصلت لكم الفكرة 

بكره وراي زواج قريب لي ولسئ  ما نمت ومرررهققه 

ان شاء الله يعجبكم البوست

فوتكو بعافيه 

باي