نقطة مهمه تجهلها الكثير من الفتيات ❤

هاي حبيباتي بما أني عطلت والصيفي بححح ماقدرت أخذ الله يعينكم علي كل ما طرا علي شي بجي اكتبه الشي اللي بتكلم عنه ما أدري اذا احد من البلوقر قد تكلم عن هالشي او لا بس أتوقع إنا كلنا نشوف هالظاهره حولنا بمجتمعنا 

الا وهو  " البرا القماششش اللي يع وكأنك مو لابسه شي وتخلي الصدر طايح " اوكي هي كويسه وتناسب اللي صدورهم كبيرره بس موو الكل تناسبه ولا تناسب اي لبس وأي مناسبه  . 

وكثير حريم وبنات يلبسون البرا القماش بكل المناسبات ع اساس ان البرا المبطنه تسبب سرطان الثدي وغير صحيح هالكلام بحثت وطلع ان الدراسة ذي خاطئه ومش صحيحه .

 نشوف بنات لابسين اشياء حلوه واليقينت بالجامعة ، والا فساتين بالزواجات كل شي فيها حلو بس اللي مخربها البرا اللي لابستها  :( 

كثير يهتمون بالمظهر الخارجي ويغفلون عن هالنقطة المهمه اللي تطلع اللبس واو أو فعلا تشينه 👎

وكثير نشوف بنات يلبسون برا ما تناسبهم تكون البرا من ورا واصله للرقبه وهذا غلط أكيد او العكس اللي تصير مررررا نازله من ورئ أو اللي تجي ضيقه مررره او اللي يطيح السير من كتفها ... الخ  :( 

 وكلهم ما عرفوا ياخذوا المقاس المناسب لهم .

أول شي خلونا نتكلم عن كل مناسبة وايش ممكن يناسبها (برا) ستيانه : 

لما تلبسي شي قماشه ساتان فستان او بلوزه .. الخ حاولي انك ما تلبسين برا عليها نقوش ، تطريز ، دانتييل لانه راح يخرب شكلك وراح تكون واضحه وملفته . 

حاولي تلبسين حاجه ساده ونفس لون الجلد 👍

بما إنا ع وجه زواجات ووجه صيف وكثير يلبسون الفساتين اللي تتربط من ورئ الرقبة أكيد راح يطلع شكلنا مؤ حلو لو لبسنا المعتاده اللي لها سيور ع الكتف ف ممكن نلبس البرا بدون سيور واذا راح تتعذبون منها ومو مضمونه تخافون تطيح بإمكانكم تلبسون البرا نفس طريقة الفستان البرا اللي سيورها من ورئ الرقبة او ممكن سيور شفافة بحيث ما يوضح . 

لما نلبس فستان زواج مثلا ً توب "بدون اكمام" نقدر نشتري برا الإسفنج من الكلف ونركبها عليه او نوديها للخياط يركبها لنا ، او نلبس برا لحالها بدون سيور او ع الاقل نلبس سيور شفاف كاررررثه فاشونيه فعلا لو لابسه سيور ألوان ع الفستان الشكل جداً راح يطلع x ومقزز وأبداً مو من الأناقة 

لو لبسنا حاجه دانتيل يُفترض ان نلبس برا نفس لون الدانتيل اللي لابسينه 

لو مثلاً لبسنا قميص او تي شيرت ابيض بإمكاننا نلبس برا اي لون نبي ، كيووت راح نطلع .

*صاحبات الصدر الكبير ممكن يستخدموا القوالب الكامله ويبتعدون عن البرا اللي عليها نقوش واشياء لانها راح تكبر زياده 

*اما صاحبات الصدر الصغير ممكن يستخدموا الهيلف كب " نص قالب " بتطلع الصدر بشكله الطبيعي .

نجي لطريقة تغسيل البرا بما أني اشتري شي كويس وأكيد أبيها تطول عندي وما تنعدم يمكن البرا حقت البيت هي اللي اغسلها بالغساله بس 

أما اللي حقت المناسبات والطلعات أبدا ما اغسلها بالغساله احط صابون بسطل او طشت ههههه اللي هو ما ادري ايش يسمونه وانقعها وافركها بيدي اذا كانت فواتح مع بعض واذا ألوان كل وحده لحالها عشان ما تقلب ألوانهم اذا كانوا سوا . 

اللي مايعرفون ايش تناسبهم برا a,b,c ..الخ

الطريقه سهله جداً جيبي متر وقيسي من تحت الصدر ع طول نفس رقم ١ بالصوره

اذا كان عدد فردي زيدي عليه 5 

اذا كان زوجي زيدي 4 

أنا مثلا طلع قياس اللي تحت الصدر ٢٩ زدت عليه ٥ طلع ٣٤

بعدين نروح نقيس اعلئ ارتفاع حطي المتر متوسط ع الصدر بالوسط بالضبط نفس رقم 2 وخوذي القياس 

أنا مثلا طلع اعلئ ارتفاع ٣٥ 

وش نسوي اللحين نطرح اعلئ ارتفاع اللي هو ٣٥ - من الرقم اللي طلع لنا اللي تحت الصدر اللي هو ٣٤ صار الناتج واحد 

الناتج 1 يعني بأن قياسك المناسب هو a

الناتج 2 يعني بأن قياسك المناسب هو b

الناتج 3 يعني بأن قياسك المناسب هو c

الناتج 4 يعني بأن قياسك المناسب هو d

الناتج 5 يعني بأن قياسك المناسب هو dd

أخذت الطريقه من قوقل بس الحمد لله طلع صح علي دايم البس A أنا 

شوفوا الصورة وشوفوا قد ايشششش الفرق بين الصورتين ان البرا فعلا تغير الشكل .  

اخيراً 

ي رب يكون البوست أعجبكم عندي كلام كثيرررر عن هالموضوع ي رب ما اكون نسيت شي وان شاء الله راح أصير انزل بوست كل اربعاء بإذن الله عشان ما اغثكم لوووول 

تابعوني ب التويتر : @ohoodawad

انستقرام : 3hoodi91

فوتكو بعافيه ❤